Õiguskantslar Madise Ülle ja timä asõmik-nõunik Koppeli Olari kävevä kolmapäävä Võromaal. Saadi tutvas Võro Instituudi tegemiisiga. Ütenkuun instituudi direktri Padari Ivari, Võro liinapää Kõva Kalvi ja Võromaa Arõnduskeskusõ juhi Tootsi Tiiduga arotõdi paigapäälsit võimaluisi ja õiguskantslar pidäsi Navi küläseldsin kotusõpäälidsele avvuliidsi ülikooli rahvalõ loengu „Inemiseõigusõ ja julgõolõk“.
Võrokõsõ olli huvitõdu, mille kõrraldadas riigiasotuisi ümbre niimuudu, et kotusõpääl on rassõ arvo saia kasust, miä tuu üten tuu. Tunti huvvi, kuis õiguskantslari meelest võissi riik ja umavalitsusõ näütüses julgõolõgi asjun parõmbat kuuntüüd tetä. Muu hulgan küsüti õiguskantslari käest, kas timä arvatõn om vanahuspensioni massu ala pandminõ õiglanõ ja kon om (suurõ silmä pääl hoitmisõ kontekstin) mõistlik piir turvalisusõ ja privaatsusõ vaihõl.
(võro kiilde avit ümbre panda Kabuna Kaile Võro Instituudist)